Jerita Empangup

1. Empangup Ringat:

Empangup tinduk lemai, tang tedani ketegal dikacau burung pipit ke cuit cuit ba luar rumah. Ringat di Empangup tu tadi, lalu ditangkap ia burung pipit tu tadi. Niki ia ngagai perabung rumah, lalu ditikau ia ke baruh. Ko iya, ngarap ke burung pipit nya mati labuh ke baruh.

2. Empangup Sekula:

Cikgu: Empangup, kamu lahir di mana?

Empangup: Ba Sarawak cikgu.

Cikgu: Ya lah, bahagian mana?

Empangup: Nadai bahagian bahagian mana tu cikgu. Te seluruh tubuh aku tu ada ba Sarawak aaaa.....

3. Empangup makai ba Restoran:

Udah tembu makai, Empangup lalu ngagau ke pelayan restoran. Udah nya ia lalu nyua ke kad ia. Pelayan nya lalu bejako 'Nama kebuah nuan meri aku kad telefon tu deh wai?' Disaut Empangup - 'Ya gak kita madah semua kad tau magang.' (All cards accepted)

4. Empangup Nepan Bilun:

Maya bilun sida Empangup ka nerengkah ka diri ba padang bilun KLIA, Empangup nyeguk meda luar ari cermin jendela bilun, dia ia tepeda ka lampu mirah ba atas tuchung menara KL. Ko Empangup bejako kediri - Jauh endar menoa Semenanjung tu mansang ari Sarawak, datai ke ba langit pan bisi mega lampu isyarat (trafic light).

5. Empangup ngagai gua angin:

Benung empangup lepak nungga tuak tabas ke pusuk ngau bala sida bejit sebuat ... mar ga sebuat udah palau .. nyu cherita ke lubang gua ...Tok ko randau seduai ya

Bejit: aku kala ngagai gua niah suba , bertemu ngau jugam .. terangkat nda bulu pemangah aku ! alu belawa mh aku numpu jugam nyu patah tulang penanya .. akai ... pedis mat . *berdemuh* .

Empangup :aku kala mh agai gua .. gua angin wai . amat nyamai diak .. dah lah repak nda alah tujah ba pemetang ya . lampu kebait g kelia nda ntu berapa wai ..

Bejit: dini gua nyak empangup .. ku ka mh kia ...

Empangup : nda jauh alai ya ... nehhh dituuu gua angin ... LUBang idung .. alu sengo ke ya lubang idung..

6. Oren vs Limau:

Bejit: Empangup, enti nuan amat landik, nama bida buah oren enggau buah limau?

Empangup: Pai deh! Nadai utai ke mar agi ka ditanya nuan? Buah oren warna oren, buah limau ukai warna limau. :-)

7. Empangup nyadi bos:

Umpau, siram bungai ba laman rumah aku tu, nyau layu diempa panas. Disaut umpau, tang tuan Empangup, kapa nyiram bungai nya deh, ari benung ujan. Disaut Empagup - Kera dik tambab, enti nuan nemu ari udah ujan, bai payung maya nuan nyiram bungai.

8. Empangup ba sekula:

Cikgu ngasuh bala sida Empangup ngaga karangan ke betajuk 'perkit main bol'. Maya sida sebuat berengkah ka ngaga karangan tu tadi, ari ba luar ujan mesi-mesi. Empangup lalu nganjung karangan ia ngagai Cikgu. Sebaris aja ditulus ia, muyi tu - Ketegal ari ujan, orang enda nyadi bepekit bemain bol.

9. Empangup ngaga puzzles: 

Pengudah ngelama-lama ke bekelikuh ngelekat serta mabak puzzle, ari siti tembu gak puzzle gaga tudah Empangup. Dia ia madah nunju ke utai ke digaga ia ngagai bakih ia, ko ia 'Ari beganti ari, bulan beganti bulan, genap setaun lalu tembu gak utai ke digaga aku tu'. 'Apu, iga gak ngelama nya nuan ngaga utai tu Empangup?' ko bakih ia nanya laban ke alit ati. Empangup lalu nyaut - 'Kera nuan tu belik dik unggal, madu penyampat aku nembu ka tu, peda nuan ba kotak ia, nama tulis ba dia? 4 ngagai 7 taun u...'

10. Empangup baru gawa nyadi office boy:

Ari siti, bos ia ngasuh ia photostat tingki ia kena ngisi surat gaji, dia empangup lalu photostat ngena mesin ka bisi ba sida dia. 1 jam udah nya ia pulai ngagai bos ia baru, dia bos ia nanya, nama kebuah ngelama nya photostat utai ke semina siti aja, dia Empangup nyaut - Udah aku photostat, aku manding ke baru nya enggau ke asal tuan, enggai ka bisi salah sepil. Enda alah enda masuk gaji ila.

*credited to Allen Charlie, www.iban.tk